«عشق وطن»/ صوت
«عشق وطن» شعری از «محمدرضا رشیدی» شاعر آئینی استان ایلام که در موکب پردیس «سلام شهید» بنیاد شهید و امور ایثارگران استان ایلام در جمع خانواده های شهدا و ایثارگران و عموم عاشقان رهبر و ولایت به زبان محلی کردی اجرا کرده است.
به گزارش نوید شاهد ایلام؛ «عشق وطن» شعری از «محمدرضا رشیدی» شاعر آئینی استان ایلام که در موکب پردیس «سلام شهید» بنیاد شهید و امور ایثارگران استان ایلام در جمع خانواده های شهدا و ایثارگران و عموم عاشقان رهبر و ولایتبه زبان محلی کردی اجرا کرده است.
«عشق وطن»
وەتەن ئەێ ماواێ ئاباو ئەژدادم
م وە باڵاێ ت چەنێ دڵشادم
قەوم نەجێب هۊر تاریخێ
سەوڵ سەربەرز دۊر تاریخێ
شێر ژێان جار جارانێ
سەرد و گەرم دێدەێ روژگارانێ
هەر ڵاڵەێ هەسە دە کۊێەسارانت
سەوزە دە خۊن گەرم یارانت
خۊنەێڵ پاک مەردەێڵ مەردت
رشێا وە بان زەمێن سەردت
چە نێ داڵگەێڵ ئرا خاکێان
کور جەمەو کردن وەرد ساکێان
کڵ کردن ئرا جبهەێڵ دە ماووت
یەک یەک شەهید بۊن نرێان وە تابووت
تا ت بمێنێ ئەێ مڵک ئێران
ئەێ خاک سەربەرز ئەێ ماواێ شێران
دە ساێ سەروەن شێرە ژنەێڵت
زارو زەبون بۊن گێشت دشمەنەێڵت
هێمان ئرا ت گێان فدا کەێمن
تا تێر آخر وە دشمن خەێمن
خاک و دین ت چۊ ناموسمان
وەفا وە پەێمانها قاموسمان
گێانم وە نەزر زەخمەێڵ گێانت
تا گێانها گێانم گێان دێم دە بانت
مەرزدارەێڵ ت دە کۊێەو کەشێم
کەمان دار عشق جور ئارەشێم
تا گەر خاک ت بۊێەس وە ئێران
چە شەمشێر شکێاس دە دڵ شێران
هێمانێ هۊر روسەمو رەخشێ
جرئەت وە دڵ ئێرانی بەخشێ
مۊیەێڵ ێاڵ ئەسپ تەهەمتەنها قەێ دارەێڵ کۊێەو کەشو کەن
ێەئنێ ئێ خاکە ماڵ ئێمەسە
پەر پەرواز باڵ ئێمەسە
دە روژ نەبەرد تێژ چۊ ئەڵماسێم
خاون خەلیج هەمیشە فارسێم
دە تەنگەێ هرمز تا بەرزێ مانێشت
روڵەێ ئێرانێم مێشت دە شان مێشت
شێرێ چۊ قاسم روسەم ئێران
گێان فداێ ت بۊ تا نەوێ وێران
نامت ئێرانەو ئێمە ئێرانی
چۊ هێلێم بنەێ سەر نە وێرانێها بن تاریخ نام بەرز ت
کی تۊەنێ بنەێ پا وە مەرز ت
دە دوئاێ شەو دڵەێڵ پاکت
خوەر پێروزێ ئڵاێ دە خاکت
وە شون تێشەێ فرهادت قەسەم
وەو ئشق پاکەها یادت قەسەم
وە شهەێدەێڵ دەس وە دەزۊران
هێمان داخێانها دە خەسۊران
وە پەر چادر فاطمه زهرا «س»
وه شەهید گومنام دە دەێشتەێ سارا
ئەر دە خۊنمان روژێ پڵ بخوەێم
چۊ لاڵەێ پەر پەر دەیشت دەیشت گڵ بخوەێم
نامت نێەکەفێ دە زوانمان
یە قسێەێ پێرەو هەم جوانمان
وه شێر پاکێ داڵگ نا دەمم
شادێت شادێمە و خەمت هەم خەمم
داێم وە پا بو پەر پەرچەمت
گێانم وە نەزر شادێ و خەمت
خوەشاڵ وەو روژە دە رێ وەتەنم
پەر پەرچەمێ بوگە کەفەنم
ئڵاهێ ئێران حەرەم تنە
چێەمەرێ دەسێ کەرم تنە
خوەت یارێ بکە حەرەم ئێران
وە دەس دشمن روژێ نەو وێران
ئەڵئان نەبەرد ئاخر زەمانە
جەنگ کافرەێڵ وەرد قرآنه
ئەڵئان واجبە وە هەر موسڵمان
باێ دفاع بکەێ دە خاک ئێران
ئڵاهێ ئێران حەرەم تنە
چێەمەرێ دەس کەرەم تنە
وە دعاێ شەوێ دڵەێڵ پاکێ
خوەر پێروزێ ئڵاڵ دە خاکێ
«محمدرضا رشیدی سروده دوم فروردین ماه ۱۴۰۵»
انتهای پیام/
